Cynnal Cymru yn cefnogi Maint Cymru

Mae Maint Cymru yn gynllun cenedlaethol unigryw i gynnal ardal o goedwig drofannol sydd gymaint â Chymru, fel rhan o’r ymateb cenedlaethol i newid hinsawdd.

Mae Cynnal Cymru wedi bod yn aelod cefnogol o Maint Cymru ers i’r prosiect lansio ym Medi 2010.

Gyda nifer o Bartneriaid Rhwydwaith, mae Cynnal Cymru yn cefnogi Maint Cymru drwy hybu’r prosiect i sefydliadau sy’n estyn yn eang, sydd â nifer fawr o staff, megis BT, neu sydd â chefnogaeth helaeth, megis Undeb Rygbi Cymru.

Roeddem yn falch o helpu yn ystod y lansiad yng Ngardd Fotaneg Genedlaethol Cymru, drwy drefnu gweithdy i’n sefydliadau Partner Rhwydwaith.

Yn ogystal, mae Cynnal Cymru wedi codi ymwybyddiaeth o’r prosiect trwy Restr Werdd Cymru - sef rhestr o gefnogwyr datblygiadau cynaliadwy a gyhoeddir yn flynyddol gan Cynnal Cymru. Dewisir Arwyr Gwyrdd o enwebiadau cyhoeddus ledled Cymru ac o bob maes datblygu cynaliadwy. Fel rhan o brosiect Maint Cymru, mae Cynnal Cymru wedi trefnu i blannu 104 o goed yn Boray, Kenya - un goeden i gynrychioli pob Arwr Gwyrdd sydd wedi ymddangos ar Restr Werdd Cymru hyd yn hyn. Trefnwyd hyn gan Ru Hartwell, un o Arwyr Gwyrdd 2009, a chwaraeodd ran hollbwysig yn sefydlu prosiect Maint Cymru yn 2008 a 2009.

Ar hyn o bryd rydym yn cefnogi Peter Davies yn ei rôl fel Comisiynydd Dyfodol Cynaliadwy. Peter Davies yw ymgynghorydd prosiect Tasglu Nodau Datblygu Mileniwm Cymru, a greodd Maint Cymru yn wreiddiol. Mae Peter Davies yn parhau i fod yn rhan o grŵp llywio’r prosiect.