Ymgyrch tâl am fagiau siopa

O'r 1 Hydref 2011, dechreuodd Cymru i godi tâl am fagiau siopa untro (y wlad gyntaf yn y DU i wneud).

Pwrpas y tâl yw lleihau nifer y bagiau siopa untro sy’n cael eu defnyddio yng Nghymru, a’r problemau amgylcheddol sy’n digwydd o ganlyniad.

Mae’r Cwis hwn gan y BBC yn rhoi syniad da o bryd y bydd tâl yn ei godi.  Hefyd, mae Llywodraeth Cymru wedi datblygu gwefan talu am fagiau untro sy’n cynnwys rhagor o wybodaeth i ddefnyddwyr a manwerthwyr.

Ni fydd yr arian sy’n cael ei godi yn mynd i Lywodraeth Cymru; ond mae’r Llywodraeth yn annog manwerthwyr i roi’r arian o’r tâl i brosiectau amgylcheddol lleol.

Ydych chi’n ymwybodol o unrhyw brosiectau da yn eich ardal leol sy’n bwriadu cydweithio â manwerthwyr i sicrhau bod y tâl yn cael ei ddefnyddio’n dda?  Os oes gennych chi brosiect amgylcheddol, beth am gysylltu â’ch manwerthwyr lleol i weld a allech chi gydweithio â’ch gilydd?  Os ydych chi’n ymwybodol o brosiect sy’n cydweithio â manwerthwyr mewn perthynas â’r tâl, rhowch wybod i ni ac fe rown ni gyhoeddusrwydd i’r gwaith da!