Ymunwch â Cynnal Cymru-Sustain Wales yn eu cartref cynaladwy ar faes yr Eisteddfod i weld pa mor rhwydd gall hi fod i fyw'n gynaladwy, gyda chyngor 'gwyrdd' a moesegol. Diolch i gefnogaeth gan Lywodraeth Cynulliad Cymru, Ecotricity, Draig Technology, Ecover, Innocent Smoothies a llu o noddwyr eraill bydd y stondin yn gwmws fel cartref go iawn - gyda gardd a phob dim! Diolch i’n noddwyr

Wedi ei adeiladu o bren FSC, bydd yn arddangos nodweddion megis ynysiad a bydd yn llawn syniadau ysbrydoledig i'ch helpu i wneud dewisiadau cynaladwy oddi mewn o fasnach deg ac organig i gyngor arbed ynni a dŵr.

Ymgeisiwch yn y gystadleuaeth, 'Rowch Eich Newid Mân' a fedrwch ennill blwyddyn o ynni 'gwyrdd'. Gyda gwesteion i de, cerddoriaeth, a gweithdai ymarferol mae digon i chi wneud ac nid oes angen cadw lle o flaen llaw. Mae croeso i chi daro mewn.

Lawrlwytho yr rhaglen gyfan.

Llun 4ydd Awst

Lansio Cystadleuaeth Rhowch Eich Newid Mân

Caiff ein cystadleuaeth Rhowch Eich Newid Mân ei lansio ar ddydd Llun 4ydd gyda chyflwynydd tywydd S4C a phedwar disgybl o ddwy ysgol yng Nghwm Rhondda a Chwm Cynon. Yn yr hydref, gwelir y pedwar disgybl yn creu chwyldro gwyrdd yn eu milltir sgwâr ar Cwm Glo Cwm Gwyrdd S4C.

Lansiad Cystadleuaeth: 11-12yp, Llun, 4 Awst.

 

Cyfrifiannell ôltroed Ecolegol Gymraeg

Bydd WWF Cymru yn gwahodd pawb i mewn i lenwi eu cyfrifiannell ôltroed ecolegol Gymraeg newydd. Bydd yn cynnig cyfle i siaradwyr Cymraeg ddarganfod eu defnydd unigol a darllen a dysgu mwy am sut i fyw'n fwy gwyrdd, a chwblhau'r gyfrifiannell yn eu hiaith eu hunain. Dewch draw i weld sut fedrwch chi leihau'ch effaith ar y blaned.

Cyfrifiannell WWF: 12-3yp, Llun, 4 Awst a 2-5yp, Mercher, 6 Awst.

 

Mawrth 5ed Awst

Cymraeg Bob Dyd

Galwch mewn am y cyfle i ddysgu mwy am feddalwedd iaith Gymraeg ar gyfer eich cyfrifiadur yn y gwaith neu gartref gyda Draig Technology Cyf.

Ddim yn siarad Cymraeg?  Dewch mewn beth bynnag a chewch ddysgu ambell i frawddeg ddefnyddiol!

Cymraeg Bob Dydd: galwch mewn 11yb-1yp, Mawrth, 5 Awst.

 

Taclo Newid Hinsawdd Gyda’n Gilydd - DVD

Gwnaethom weithio gyda Llywodraeth y Cynulliad i wneud ffilm i ddangos sut mae pobl ledled Cymru yn gweithio gyda’i gilydd i fynd i’r afael â newid hinsawdd ac i’ch ysbrydoli i ymuno a hwy wrth weithredu.

Taclo Newid Hinsawdd Gyda’n Gilydd (17 munud.):  chwarae’n aml 2-5yh, Mawrth, 5 Awst.

 

Mercher 6fed August

Cyfrifiannell ôltroed Ecolegol Gymraeg

Bydd WWF Cymru yn gwahodd pawb i mewn i lenwi eu cyfrifiannell ôltroed ecolegol Gymraeg newydd. Bydd yn cynnig cyfle i siaradwyr Cymraeg ddarganfod eu defnydd unigol a darllen a dysgu mwy am sut i fyw'n fwy gwyrdd, a chwblhau'r gyfrifiannell yn eu hiaith eu hunain. Dewch draw i weld sut fedrwch chi leihau'ch effaith ar y blaned.

Cyfrifiannell WWF: 12-3yp, Llun, 4 Awst a 2-5yp, Mercher, 6 Awst.

 

Rheoli Plâu'r Ardd yn Organig

Ymunwch â Marchnad Bwyd Go Iawn lleol Glanrafon a gwirfoddolwyr y Gerddi Lotment am wers mewn rheoli plâu yn eich gardd. Nid oes arnoch angen unrhyw beth ond am frwdfrydedd!

Rheoli plâu'r ardd yn organig: galwch mewn rhwng 2-5yp, Mercher, 6 Awst gyda Cat Siveter.

 

Iau 7fed Awst

Creu Paent Naturio

Dysgwch i greu’ch paentiau a staeniau pren iach eich hunain o gynhwysion naturiol, yn defnyddio ryseitiau a thechnegau traddodiadol. Yn syml, cyfunwch gynhwysion organig fel llaeth, wyau a phigment mwyn naturiol i greu gorffeniad lliwgar ac iach i’ch cartref. Ni fydd angen i chi ddod ag unrhyw beth, darparir yr holl ddeunyddiau ichi!

Creu Paent Naturiol: galwch mewn rhwng 11yb-1yp, Iau, 7 Awst gydag Anna Haslock, Rounded Developments.

 

Gai Toms

Gydag offer drymiau wedi ei wneud o hen jync ac albwm wedi ei gynhyrchu mewn modd ecogyfeillgar, mae Gai Toms yn profi gall y diwydiant cerdd hefyd droi dalen lân! Gwrandewch ar rai o’r caneuon o’i albwm Rhwng y Llygru a'r Glasu, caneuon sy’n adlewyrchu pryderon y canwr am yr amgylchedd a dynoliaeth. Bydd Gai yn falch o ateb eich cwestiynau.

Sesiwn cerdd Gai Toms: 2-3yp, Iau, 7 Awst.

 

Gwener 8fed Awst

Nappuccino

Bore coffi i ddysgu mwy am gewynnau go iawn. Mwynhewch baned a dysgwch am yr holl fanteision a’r anfanteision. Bydd digon ar gael i chi eu gweld a’u teimlo gyda’u Felcro neu wedi eu sicrhau gyda ‘poppers’, ac ystod o ddefnyddiau, lliwiau a phrintiau gan gynnwys printiau pastel ac anifeiliaid. Dewch mewn rhwng 11yb a 12yp a gall eich plant ymuno â’r hwyl gyda Cyw o S4C a chyflwynwyr teledu eraill.

'Nappuccino' bore coffi Cewynnau Go Iawn: dewch mewn rhwng 11yb-1yp, Gwener, 8 Awst gyda Siân Dando a Cyw a’i gang o S4C!

 

Siopa'n Foesegol gyda SUSSED

Cydweithfa yn y gymuned yw SUSSED sy'n hybu, addysgu a chyflenwi cynnyrch a gwasanaethau llesol i'r amgylchedd a moesegol-gadarn. Mae stoc yn cynnwys amrywiaeth eang o nwyddau: rhoddion, dillad, eitemau i'r cartref, gemwaith, llyfrau, a chynnyrch ecogyfeillgar.

1-5yp, Gwener 8 Awst gyda SUSSED.

 

Sadwrn 9fed Awst

'Chic' Siopau Elusennol - Canllaw Ymarferol i Greu Newydd o'r Hen!

Darganfyddwch ffyrdd newydd i roi bywyd newydd i'ch hen ddillad a dillad o siopau elusennol gan ddefnyddio deunyddiau crefft a hyn a'r llall o gwmpas y tŷ.  Dewch a'ch dychymyg - darperir pob dim arall.

11yb-1yp, Sadwrn, 9 Awst gyda Roz Robinson a Lynsey Jackson.

 

 

 

Diolch i’n noddwyr

Llywodraeth Cynulliad Cymru: Prif Noddwr
Llywodraeth Cynulliad Cymru yw llywodraeth ddatganoledig Cymru ac mae'n gyfrifol am y rhan fwyaf o’r materion sy’n effeithio ar bobl Cymru o ddydd i ddydd, gan gynnwys yr economi, iechyd, addysg a llywodraeth leol. Gweinidog noddedig Cynnal Cymru-Sustain Wales yw Jane Davidson AC, Gweinidog dros yr Amgylchedd, Cynaladwyedd a Thai.

Ecotricity: Noddwr Premiwm
Mae Ecotricity yn gwmni trydan sy'n wahanol. Fel arloeswyr trydan gwyrdd, mae Ecotricity wedi ymrwymo i greu ffynonellau newydd o drydan adnewyddol i daclo newid hinsawdd, gan fuddsoddi mwy'r cwsmer na chyfanswm y cyflenwyr trydan eraill yn y DU. Mae newid cyflenwr yn syml a dyna'r gam fwyaf y gallwch ei gymryd i leihau'ch allyriannau ac amddiffyn yr amgylchedd.

Draig Technology Ltd.: Noddwr Gweithdy
Mae cwmni Cymraeg Draig Technology Ltd. yn ddarparwr TG o ansawdd uchel wedi seilio ar dechnolegau Microsoft. Y cwmni yw'r unig Bartner Ardystiedig Microsoft Gold yng Nghymru ar gyfer SharePoint a datblygu meddalwedd. Efallai y byddwch yn gydnabyddus o To Bach sy'n hwyluso teipio llythrennau Cymraeg, a'u gwaith gyda Bwrdd yr Iaith, Microsoft a Cymen ar fersiwn Gymraeg o Windows ac Office.

S4C am eu cefnogaeth yn ystod eu blwyddyn o raglenni Gwyrdd ym 2008.  Cadwch olwg am gyfraniadau S4C i'n rhaglen o weithgarwch yn ystod yr wythnos a chadwch olwg allan hefyd am fwletinau tywydd yn dod o'r stondin.

Rounded Developments Enterprises (RDE) Ltd. a Unique Woodworking am adeiladwaith gwych ein cartref cynaladwy a deunyddiau dehongli. Mae RDE yn gwmni dielw sydd yn hyrwyddo datblygiad cynaladwy yng Nghymru drwy godi ymwybyddiaeth a rhannu gwybodaeth drwy weithgarwch addysgiadol, datblygu cadwyni cyflenwi a hwyluso a chynorthwyo datblygiad prosiectau.  Maent hefyd yn rhedeg unig Ganolfan Adeiladu Cynaladwy Cymru gyda phaent a deunyddiau ar gael ar-lein neu o'r Ganolfan yn Splott.

I bawb ar eBay a Freecycle am brofi gall gwastraff un person fod yn drysor i eraill! Gwelwch www.eBay.com a www.freecycle.com.

Rhoddwyd nwyddau ecogyfeillgar i'r tŷ yn garedig iawn gan Ecover y byddwn yn eu rhoi fel gwobrwyon yn ein cystadleuaeth.

Mae Innocent Smoothies wedi rhoi gwobr tuag at ein cystadleuaeth -  llond bocs o'u smwddis blasus!

Mae Clipper wedi rhoi gwobr tuag at ein cystadleuaeth - bag am fywyd yn llawn o de!

Rhoddwyd taleb yn garedig iawn gan Marks and Spencer y byddwn yn ei rhoi fel gwobr yn ein cystadleuaeth.

Llogwyd teclynnau cegin ynni effeithlon iawn am ddim er mwyn gwisgo'n stondin yn garedig iawn gan Leekes.

Rhoddwyd offer plymio ynni a dŵr effeithlon i'r ystafell ymolchi yn garedig iawn gan Brightwater.

Rhoddwyd wyneb weithio ar gyfer gwisgo'r gegin yn ein cartref cynaladwy yn garedig iawn gan Lovell's.